စက်တင်ဘာ ၁၂ ရက်၊ ၂၀၁၄ ခုနှစ်
ကချင်လွတ်မြောက်ရေးတပ်မတော်(KIA)သည် ထိန်းချုပ်နယ်မြေများအလိုက် ခရစ်ယာန်ဘာသာရေး သင်းအုပ် ဆရာ၊ ဓမ္မဆရာများအား အသုံးချကာ စက်တင်ဘာ ပထမပတ်မှစ၍ လူသစ်စုဆောင်းမှုများ ပြုလုပ်နေကြောင်း ယင်းဒေသခံများထံမှ သိရသည်။
ဒေသခံကချင်ပြည်သူများသည် အပတ်စဉ် တနင်္ဂနွေတိုင်း ဘုရားကျောင်းတက်လေ့ရှိရာ ထိုအထဲမှ လူငယ် လူရွယ်များအား သီးခြားတွေ့ဆုံကာ စုဆောင်းနေခြင်းဖြစ်ကြောင်း သိရသည်။
``၀တ်ပြုလာတဲ့ အထဲမှာ လူငယ်တွေလည်း ပါတာပေါ့။ ၀တ်ပြုဆုတောင်းပြီးတဲ့နောက် အဲဒီလူငယ်တွေကို သီးခြားတွေ့ဆုံတာပါ။ လူငယ်တွေကို KIA အဖွဲ့ထဲဝင်ဖို့ ဖာသာတွေက စည်းရုံးတယ်လို့ သိရပါတယ်´´ ဟု အုပ်ထိန်းသူမိဘတစ်ဦးက ပြောသည်။
``အရင်တုန်းကတော့ ရွာတွေမှာ လာစုတာ၊ တောင်ယာသွားတဲ့လူလည်း ဖမ်းတယ်၊ ကယ်ရီဆွဲတဲ့လူတွေ့ရင် လည်း ဖမ်းတယ်၊ အခုနောက်ပိုင်း ဖမ်းဖို့ လူမရှိတော့တဲ့အတွက် ဘုရားကျောင်းတွေမှာ လာစုတာနေမှာပါ၊ ဒါပေ မယ့် ဘာသာရေးကို ခုတုံးလုပ်တာကတော့ မကောင်းပါဘူး´´ ဟု မလုမိုင်က ဆိုသည်။
KIA အဖွဲ့ အသုံးချခံ သင်အုပ်ဆရာများသည် ဒေသခံကချင်လူငယ်များအား KIA အဖွဲ့ထဲဝင်ရန် စည်းရုံးပြော ဆိုမှုများ ပြုလုပ်နေရသော်လည်း သာသာရေးထုံးတမ်းစဉ်လာနှင့် သွေဖယ်နေသောကြောင့် ထိုသို့ လုပ်ပေး ရခြင်းကို စိတ်ပျက်နေကြကြောင်း သိရသည်။
ဒေသခံလူငယ်များအား စည်းရုံးရန် သင်းအုပ်/ဓမ္မဆရာများအား KIA အဖွဲ့မှ ကချင်ပြည်နယ်အား ၀မ်ပေါင် နိုင်ငံ ထူထောင်မှသာ ကချင်လူမျိုးများ ကောင်းစားမည်ဖြစ်ကြောင်း၊ ကိုယ့်ပြည်နယ်ကိုယ့်လူမျိုးအား ချစ်ခင်လျှင် ကချင်လူမျိုးတစ်ယောက် အနေဖြင့် တတ်နိုင်သည့်ဘက်မှ ပါဝင်ဆောင်ရွက်ရန် လူမျိုးရေးဝါဒကို အခြေခံပြီး စည်းရုံးနေကြောင်း မြစ်ကြီးနားမြို့ခံတစ်ဦးက ပြောကြားသွားသည်။
ညီသစ်(မြစ်ကြီးနား)
0 comments:
Post a Comment
အခုလိုအကြံပြုပေးတဲ့အတွက်ကျေးဇူးတင်ပါတယ်