တရုတ်က “လ” လေ့လာရေးခရီးစဉ်အတွက် စမ်းသပ်ဒုံးပျံ လွှတ်တင်

နိုင်ငံတကာ သတင်း

• By ဒီဗွီဘီ
• 25 October 2014

ဓာတ်ပုံ – ရိုက်တာ

တရုတ်နိုင်ငံက လဆင်းယာဉ်တွေကို အကြိမ်ကြိမ်စေလွှတ်နိုင်မယ့် စမ်းသပ်ဒုံးပျံတစင်း အောက်တိုဘာလ ၂၄ ရက်နေ့မနက်က တရုတ်နိုင်ငံက လွှတ်တင်ခဲ့ပါတယ်။ လကို တပတ်ပြီး ကမ္ဘာပေါ် ပြန်လည်ဆင်းသက်ဖို့ စီစဉ်ထားပြီး ခရီးစဉ်အားလုံး ၈ ရက်ကြာမြင့်မယ်လို့ အမျိုးသားအာကာသဌာနက ဆိုပါတယ်။ ကမ္ဘာမြေကို ပြန်လည်ဆင်းသက်နိုင်အောင် စီစဉ်ထားတဲ့ နည်းပညာထည့်သွင်းထားတာကြောင့် နောက်လာမယ့် “လ” လေ့လာရေးခရီးစဉ်တွေမှာ ဒီအာကာသယာဉ် ပြန်လည်အသုံးပြုနိုင်မယ် လို့လည်း တရုတ်အာကာသဌာနက ဆိုပါတယ်။
တကယ်လို့ စမ်းသက်မှုအောင်မြင်ရင် နောက်တဆင့်အနေနဲ့ ချောင်အမှတ် ၅ လဆင်းယာဉ်ကို စေလွှတ်မယ်လို့ ဂြိုဟ်တုလွှတ်တင်ရေးစင်တာ အင်ဂျင်နီယာချုပ်က ပြောဆိုပါတယ်။
http://burmese.dvb.no/archives/68794