၂၀၁၅ ​ရွေး​ကောက်ပွဲ အပြည့်အ​ဝ ကူညီရန် ကုလ အသင့်ရှိဟု ဘန်ကီမွန်း​ပြော

Written by  ဝင်းကိုကိုလတ်

နေပြည်တော် (မဇ္ဈိမ)။ ။ မြန်မာနိုင်ငံတွင် ၂၀၁၅ ခုနှစ် ကုန်ပိုင်းတွင် ကျင်းပရန် မျှော်မှန်းထားသည့် အထွေထွေရွေးကောက်ပွဲကြီးအတွက် ကုလသမဂ္ဂမှ အပြည့်အဝကူညီရန် ပြင်ဆင်ထားသည်ဟု အထွေထွေအတွင်းရေးမှူးချုပ် ဘန်ကီမွန်းက နိုဝင်ဘာ ၁၃ရက်က နေပြည်တော်ရှိ MICCတွင် ပြုလုပ်သော သတင်းစာရှင်းလင်းပွဲ၌ ပြောကြားသည်။

ကုလသမဂ္ဂ အထွေအထွေအတွင်းရေးမှူးချုပ် မစ္စတာဘန်ကီမွန်းမှ မြန်မာနိုင်ငံတွင် ဖြစ်ပေါ်နေသည့် လူ့အခွင့်အရေးချိုးဖောက်မှုအကြောင်း သတင်းစာရှင်းလင်းပွဲနှင့် စာနယ်ဇင်းအမေးအဖြေများကို နေပြည်တော် MICC 1 ခန်းမ ၁၀၂၆ တွင်ပြုလုပ်ခဲံသည်ကိုတွေ့ရစဉ်။ (ဓာတ်ပုံ - ဟောင်ဆာ(ရာမည)၊ မဇ္ဈိမ)

၎င်းက ''ကုလက အရေးကြီးတဲ့ လာမည့်နှစ်ရွေးကောက်ပွဲမှာ နည်းပညာ၊ လောဂျစ်စတစ်ကိစ္စတွေမှာ အပြည့်အဝ ကူညီဖို့ ပြင်ဆင်ထားပါတယ်''ဟု ပြောကြားခဲ့သည်။

၎င်းသည် ပြည်ထောင်စုလွှတ်တော် နာယက သူရဦးရွှေမန်း၊ အတိုက်အခံခေါင်းဆောင် ဒေါ်အောင်ဆန်းစုကြည်တို့နှင့် တွေ့ဆုံအပြီး နေပြည်တော်ရှိ အပြည်ပြည်ဆိုင်ရာကွန်ဗန်းရှင်း ဗဟိုဌာန(၁)တွင် ကျင်းပသည့် မီဒီယာအချို့နှင့် တွေ့ဆုံပွဲတွင် အထက်ပါအတိုင်း ပြောကြားခဲ့ခြင်းဖြစ်သည်။
မြန်မာနိုင်ငံ၊ ပြည်ထောင်စုရွေးကောက်ပွဲကော်မရှင်ကလည်း ၂၀၁၅ ရွေးကောက်ပွဲကို လာမည့်နှစ်နှောင်းပိုင်းတွင် ကျင်းပရန် မျှော်မှန်းထားသည်ဟု ပြောဆိုထားသည်။
သို့သော် ၎င်းက ကူညီပေးမည့် အသေးစိတ်အချက်အလက်များနှင့် မြန်မာဘက်မှ တာဝန်ရှိသူများနှင့် ညှိနှိုင်းထားခြင်းရှိ၊ မရှိ စသည့် အချက်အလက်များကိုမူ မပြောကြားခဲ့ပေ။
ကုလသမဂ္ဂအနေဖြင့် မြန်မာနိုင်ငံ၏ အစပျိုးနေသည့် ပြည်သူများပါဝင်သည့် ပြုပြင်ပြောင်းလဲရေးကို ကူညီလျက်ရှိသော်လည်း စိန်ခေါ်မှုများ ရှိနေသေးသည်ဟု ၎င်းက ပြောကြားသည်။
၎င်းက ''စိန်ခေါ်မှုတွေရှိနေသေးတာ ဝန်ခံရပါမယ်၊ ဒါကို ပြည်သူတွေရဲ့စည်းလုံးညီညွတ်မှုနဲ့ ကျော်လွှားရပါမယ်'' ဟုလည်း အကြံပြုသည်။
ထို့ပြင် နိုင်ငံရေး ဆွေးနွေးမှုများသည်လည်း ပြည်သူများ၏ အမြင်ကို အပြည့်အ၀နှင့် မှန်မှန်ကန်ကန် ထင်ဟပ်ရန် လိုအပ်သည်ဟုလည်း ထောက်ပြခဲ့သည်။
၂၀၁၅ ခုနှစ်ရွေးကောက်ပွဲသည် မြန်မာနိုင်ငံအနာဂတ်အတွက် လွန်စွာအရေးကြီးသည့်အတွက် ပွင့်လင်းမြင်သာပြီး အားလုံးပါဝင်သည့် ရွေးကောက်ပွဲဖြစ်ရန်လည်း ယမန်နေ့က ကျင်းပသည့်သတင်းစာရှင်းလင်းပွဲတွင် ၎င်းက တိုက်တွန်းထားသည်။
http://www.mizzimaburmese.com/2013-10-20-16-16-07/2013-11-01-01-48-27/item/32367-2014-11-13-11-11-29