ယူကရိန်းစစ်ရေးတပ်လှန့်

18 September 2014 09:11(+0630) (20 မိနစ် ခန့်က)

ရုရှားနယ်စပ်အနီးမှာ ယူကရိန်းတပ်တွေကို တိုက်ပွဲဝင် အသင့်အနေအထား ဆက်ရှိနေဖို့ဆိုပြီး ယူကရိန်းက အမိန့်ထုတ်ထားပါတယ်။ နယ်စပ်အနီး ရုရှားလိုလားတဲ့ ခွဲထွက်ရေးသူပုန်တွေနဲ့ ဖြစ်တာကြောင့် အပစ်အခတ်ရပ်စဲရေးလည်း ပျက်ပြယ်ပြီး လူ ၁၂ ဦးထက်မနည်း သေဆုံးခဲ့တဲ့နောက် အခုလို တပ်လှန့်ခဲ့တာပါ။

သူပုန်တွေ ထိန်းချုပ်ထားရာ Donetsk ဒေသမှာ လူနေရပ်ကွက်ကို ဒုံးကျည်ထိမှန်ပြီး လူ ၂ ဦးသေဆုံးခဲ့တယ်လို့ ခွဲထွက်ရေးသူပုန်တွေဘက်က ကြေညာသလို၊ အနီးအနားမြို့နားက တိုက်ပွဲတခုမှာလည်း လူ ၁၀ ဦးထက်မနည်း သေဆုံးခဲ့တယ်လို့ ယူကရိန်းအာဏာပိုင်တွေက ကြေညာပါတယ်။

အဲဒီနောက်မှာပဲ ၀န်ကြီးချုပ် Arseniy Yatsenyuk က အခုလို တပ်အသင့်အနေအထား ဆက်ရှိနေဖို့အမိန့် ဗုဒဟူးနေ့မှာ ထုတ်ခဲ့တာဖြစ်ပါတယ်။ သူပုန်တွေ ထိန်းချုပ်ထားရာဒေသဖြစ်တဲ့ Donesk နဲ့ Lunhansk ဒေသတွေမှာ သူပုန်တွေဘက်က ယာယီ ကိုယ်ပိုင်အုပ်ချုပ်ရေးဆောင်ရွက်ဖို့ ယူကရိန်းပါလီမန်ကနေ အင်္ဂါနေ့က မဲခွဲအတည်ပြုပြီးတဲ့နောက်၊ အခုလို အထိအခိုက်တွေ ပထမဆုံး ကြားရတာပါ။

ယာယီ ကိုယ်ပိုင်အုပ်ချုပ်ရေးပေးပြီး၊ သူပုန်တွေကို လွတ်ငြိမ်းချမ်းသာခွင့် ကြေညာခဲ့တာဟာ ၅ လကြာ စစ်ပွဲတွေအတွင်း ယူကရိန်းဘက်က အကြီးမားဆုံး ငြိမ်းချမ်းရေး အစပျိုးမှုဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com/content/ukraine/2453690.html

ယူကရိန်းနောက်ဆုံးအခြေအနေ

 

 

http://www.thithtoolwin.com/2014/09/blog-post_688.html