ကျာက်စိမ်းရောင်းချမှုမှ ကျပ်သန်းပေါင်း ၁၂၀,၀၀၀ ကျော်ရရှိ

Written by  သီဟကိုကို

ရန်ကုန် (မဇ္ဈိမ)။ ။ အောက်တိုဘာ ၂၀ ရက်တွင် ကျင်းပပြီးစီးခဲ့ပြီဖြစ်သည့် ကျောက်မျက်ရတနာပြပွဲတွင် ကျောက်စိမ်းအတွဲ ၆,၉၈၂ တွဲကို ရောင်းချခဲ့ပြီး ရောင်းချရမှုပမာဏ ကျပ်သန်းပေါင်း ၁၂၆,၈၀၃ (ကျပ် ၁၂၆ ဘီလီယံကျော်) ရရှိသည်ဟု မြန်မာ့ကျောက်မျက် ရတနာ ရောင်းဝယ်ရေးလုပ်ငန်းမှ တာဝန်ရှိသူတစ်ဦးက ပြောသည်။

နေပြည်တော်၌ ပြုလုပ်ခဲ့သည့် ကျောက်မျက်ပြပွဲတစ်ခုကို တွေ့ရစဉ်။ ပြည်တွင်းလုပ်ငန်းရှင်များအတွက် ပြုလုပ်သော ကျောက်မျက်ပြပွဲတွင်
ကျောက်စိမ်းအတွဲ ၇,ဝ၀ဝ နီးပါးနှင့် ကျောက်မျက်အတွဲ ၁၃၀ ကျော် ပါဝင်ပြသခဲ့သည်။ (ဓာတ်ပုံ - အီးပီအေ)

နေပြည်တော်၌ အောက်တိုဘာ ၁၄ ရက် မှ ၂၀ ရက်အထိ ကျင်းပခဲ့သည့် ကျောက်မျက်ရတနာရောင်းချပွဲတွင် နိုင်ငံသား လုပ်ငန်းရှင်များ အတွက် ကျပ်ငွေဖြင့် သီးသန့် ရောင်းချပေးခဲ့ခြင်းဖြစ်သည်။

ကျောက်မျက်ပြပွဲတွင် အလေးချိန် ၁၈ တန်ရှိသော နိုင်ငံပိုင်ကျောက်စိမ်းအတွဲ ၁၅ တွဲကို အခြေခံဈေး ကျပ် ၁၈ သန်း၊ နိုင်ငံပိုင်နှင့် ပုဂ္ဂလိက အကျိုးတူကုမ္ပဏီပေါင်း ၅၀ မှ အလေးချိန် ၃,၃၁၇ တန်ရှိသော ကျောက်စိမ်းအတွဲ ၁,၆၉၇ တွဲကို အခြေခံဈေး ကျပ် ၂,၂၇၁ သန်းတို့ဖြင့် သတ်မှတ်ရောင်းချခဲ့သည်။
ပုဂ္ဂလိကကုမ္ပဏီ ၂၃၀ မှ အလေးချိန် ၄,၂၄၀ တန်ချိန်ရှိသော ကျောက်စိမ်းအတွဲပေါင်း ၄,၉၂၄ တွဲ ရောင်းချ ခဲ့ပြီး အခြေခံဈေး ကျပ် ၁၃,၇၇၆ သန်း သတ်မှတ်ခဲ့သည်။ ကျောက်စိမ်းအရောင်းဆိုင် ၆၁ ခုမှ အလေးချိန် ၂၈၆ တန်ရှိသော ကျောက်စိမ်းအတွဲ ၃၄၆ တွဲကို အခြေခံဈေး ကျပ်သန်း ၂,၄၀၀ သတ်မှတ်ရောင်းချခဲ့ သည်။
အဆိုပါ ကျောက်မျက်ရတနာပြပွဲတွင် စုစုပေါင်း ကုမ္ပဏီ ၃၄၁ ခုမှ အလေးချိန် ၇,၈၆၃ တန်ရှိသော ကျောက် စိမ်းအတွဲ ၆,၉၈၂ တွဲကို အခြေခံဈေး စုစုပေါင်း ကျပ်သန်း ၁၈,၄၆၆ သတ်မှတ်ရောင်းချခဲ့ခြင်း ဖြစ်သည်။
ကျောက်စိမ်းအသားကျောက်မျက်များ နှင့် ကျောက်မျက်ရိုင်းများရောင်းချပွဲတွင် ကျောက်စိမ်းအတွဲများအပြင် ကျောက်မျက်အတွဲ ၁၃၅ တွဲကိုလည်း ထည့်သွင်းရောင်းချခဲ့ပြီး စုစုပေါင်း ကျောက်စိမ်း၊ ကျောက်မျက် အတွဲ ပေါင်း ၇,၀၀၀ ကျော်ကို ရောင်းချခဲ့သည်။
ရောင်းချခဲ့ပြီးဖြစ်သော ကျောက်စိမ်း အတွဲများ၏ တန်ဖိုးငွေ ၁၀ ရာခိုင်နှုန်းကို အောက်တိုဘာ ၂၁ ရက်မှ နိုဝင်ဘာ ၁၁ ရက်အတွင်း ပေးသွင်းရမည်ဖြစ်ပြီး တန်ဖိုးငွေ၏ ၉၀ ရာခိုင်နှုန်းကို ၂၀၁၅ ဇန်န၀ါရီ ၁၈ ရက် အထိ နောက်ဆုံးထားပေးသွင်းရန် သတ်မှတ်ထားသည်။
သတ္တုတွင်းဝန်ကြီးဌာန ကြီးကြပ်မှုဖြင့် မြန်မာ့ကျောက်မျက်ရတနာပြပွဲ ဗဟိုကော်မတီသည် ကျောက်မျက် ရိုင်းများနှင့် ကျောက်စိမ်း အသားကျောက်များ ရောင်းချပွဲကို နေပြည်တော်၊ မဏိရတနာကျောက်စိမ်းခန်းမ တွင် ကျင်းပရောင်းချခဲ့ခြင်းဖြစ်သည်။
ကျပ်ငွေဖြင့် ရောင်းချသော တန်ဖိုးနည်း ကျောက်မျက်ရိုင်းများနှင့် ကျောက်စိမ်းအသားကျောက်များ ရောင်းချ ပွဲကို ၂၀၁၄ ဇန်န၀ါရီ ၆ ရက်မှ ၁၀ ရက်အထိ ပထမဦးဆုံးအကြိမ် ကျင်းပပြုလုပ်ခဲ့ပြီး ယခုအကြိမ်သည် မြန်မာကျပ်ငွေဖြင့် ဒုတိယအကြိမ်မြောက်
ရောင်းချသည့် ကျောက်မျက်ပြပွဲ ဖြစ်သည်။

http://www.mizzimaburmese.com/component/k2/item/30738-2014-10-22-04-58-16